තරුණ පරම්පරාව පෙරටු කරගත් ජාත්‍යන්තර සංවිධානයක් වන Road to Rights සංවිධානය යහපත් ලෝකයක් සඳහා තිරසාර සංවර්ධන ඉලක්ක දේශීයකරණය කිරීමට සහය වීමේ අරමුණින් ශ්‍රී ලංකාවේ ප්‍රථම බහු පාර්ශවකරුවන්ගේ ව්‍යාපාරය වන #ActionToImpact වැඩසටහන දියත් කළේය. #ActionToImpact යනු 2030 වන විට ලොව තීරණාත්මක ගැටලු විසඳීම සඳහා එක්සත් ජාතීන් සහ හවුල් සංවිධාන විසින් ගෙන ඇති ගෝලීය තිරසාර සංවර්ධන ඉලක්ක සපුරා ගැනීම සඳහා කෙරෙන මුලපිරීම්වලට කාලෝචිත ප්‍රතිචාරයකි. ශ්‍රී ලංකාව තුළ සිවිල් සමාජය, තරුණයින් සහ රජය සමඟ දිගු කාලීන තිරසාර සංවර්ධනයක් සාක්ෂාත් කර ගැනීම සඳහා දේශීයත්වය හා බැඳෙමින් මෙම වැඩසටහන පාර්ශවකරුවන්, ව්‍යාපාර බලමුලු ගැන්වීමේ වේදිකාවක් ලෙස ක්‍රියා කරනු ඇත.
සමාරම්භක උත්සවය virtual වැඩසටහනක් ලෙස පැවැත්වුණු අතර ඒ සඳහා විදුලිබල අමාත්‍ය ඩලස් අලහප්පෙරුම, බොන් හි එක්සත් ජාතීන්ගේ තිරසාර සංවර්ධන ඉලක්ක පිළිබඳ සංවිධානයේ ගෝලීය අධ්‍යක්ෂ මරීනා පොන්ටි මහත්මිය, ශ්‍රී ලංකාව සහ මාලදිවයින සඳහා ILO හි ලංකා කාර්යාලයේ සිම්රින් සිං මහත්මිය, Road to Rights සංවිධානයේ නිර්මාතෘ අශාන් පෙරේරා, Global Strategic Corporate Sustainability හී සභාපති, ප්‍රධාන විධායක මෙන්ම UN Global Compact Sri Lanka හී නිර්මාතෘ ආචාර්ය රවී ප්‍රනාන්දු, ශ්‍රී ලංකා තිරසාර සංවර්ධන කවුන්සිලයේ අධ්‍යක්ෂ ජනරාල් චමින්ද්‍රි සපරමාදු යන මහත්ම මහත්මීන් සහභාගී වූහ.
එහිදී ActionToImpact ඩිජිටල් වේදිකාව www.srilanka2030.lk විවෘත කිරීම ද සිදු විය. තිරසාර සංවර්ධනයට සහයෝගය දැක්වීම සඳහා දැනුම, සම්පත් හුවමාරු කර ගැනීම හා පර්යේෂණ දත්ත යනාදිය සඳහා පාර්ශවකරුවන්, තරුණයින්, විශ්වවිද්‍යාල සිසුන්, ස්වේච්ඡා සේවකයන් සහ ශාස්ත්‍රාලිකයින් එකතු කර ගනිමින් මෙම වේදිකාව තිරසාර සංවාදය ඉදිරියට කරගෙන යනු ඇත.
#ActionToImpact මෙම වැඩසටහන පිළිබඳව ශ්‍රී ලංකාවේ ගරු අග්‍රාමාත්‍ය මහින්ද රාජපක්ෂ මහතා විශේෂ ප්‍රකාශයක් කරමින් මෙසේ ප්‍රකාශ කළේය. “තිරසර සංවර්ධන ඉලක්ක සාක්ෂාත් කර ගැනීම සඳහා සහයෝගීතාව මූලික වනු ඇතැයි මම තරයේ විශ්වාස කරමි, එමඟින් තරුණයන්, පෞද්ගලික අංශය, ශාස්ත්‍රීය සහ රාජ්‍ය ආයතන ඇතුළු සියලු අංශ එකට එකතු විය යුතුයි. එම ඉලක්කය කරා යන ගමනේදී #ActionToImpact ජාතික ව්‍යාපාරය දේශීය ප්‍රජාවන් මේ සඳහා දිරිමත් කිරීම සහ ශ්‍රී ලංකාව තිරසාර ජාතියක් බවට පත් කිරීම සඳහා බහු පාර්ශවීය ජාතික වේදිකාවක් ගොඩ නැගීමේ කැපී පෙනෙන උත්සාහයක් ලෙස සැලකිය හැකියි. විශේෂයෙන්ම මෙම වැඩසටහන මඟින් විවිධ පාර්ශවකරුවන් එකට එකතු කෙරෙන අතර එලඹෙන තරුණ වෘත්තිකයින් සවිබල ගැන්වීම සඳහා තිරසාර සංවර්ධන ඉලක්ක පිළිබඳ විශාලතම උපාධි අපේක්ෂකයින්ගේ වේදිකාව G17 විශ්ව විද්‍යාල තානාපතිවරුන්ගේ සංසදය පැවැත්වීම මෙන්ම මිලියන සංඛ්‍යාත ජනතාවක් මෙහි කොටස්කරුවන් කරවීම සඳහා කීර්තිමත් තානාපති ජාලය ආරම්භ කිරීම ද ප්‍රශංසනීයයි. ”
ActionToImpact වැඩසටහන පිළිබඳව අදහස් දැක්වූ ගරු. විදුලිබල ඇමති ඩලස් අලහප්පෙරුම මහතා මෙසේ පැවසීය. “රටේ යහපැවැත්ම සඳහා කාලෝචිත ව්‍යාපාරයක් සංවිධානය කිරීම ගැන Road to Rights හවුල්කාර සංවිධානය සහ ඊට සම්බන්ධ සියලු දෙනාම මම අගය කරන්න කැමතියි. මෙම උත්සාහය විශේෂයෙන්ම බලශක්ති කර්මාන්තයේ සියළුම පාර්ශවකරුවන්ගේ අවධානය යොමු වූ, අර්ථවත් හා ශක්‍ය ප්‍රතිචාරයක් සඳහා ඒකාබද්ධ කිරීම තුළින් දේශගුණික විපර්යාසයන්ගෙන් එල්ල වන අභියෝගයන්ට එරෙහිව සටන් කිරීමට ශ්‍රී ලංකාවේ ඇති කැපවීම සහතික කරනු ලබනවා. ”
මෙම ප්‍රචාරක ව්‍යාපාරය ආරම්භ වීමත් සමඟම, ජාත්‍යන්තර කථිකයින්ගේ සාකච්ඡාව ඇතුළත් ActionToImpact සතිය ප්‍රකාශයට පත් කෙරිණි. ශ්‍රී ලංකාවේ SDG ස්ථානගත කිරීමේ වැදගත්කම පිළිබඳ වටිනා අවබෝධයක් සඳහා විවෘත සංවාදයන් මගින් එහිදී ප්‍රේක්‍ෂකයින් දැනුවත් කළේය. අගෝස්තු 8 වෙනිදා පැවැත්වෙන සමාජ සංවාදය මගින් පශ්චාත් කොවිඩ් 19 යුගයේ වඩා හොඳ සහ තිරසාර ලෙස ගොඩ නැගීම පිළිබඳ සාකච්ඡාවක් ද 10 වන දා පැවැත්වෙන මාධ්‍ය සමඟ කෙරෙන සංවාදය මගින් SDG සාක්ෂාත් කර ගැනීමේදී මාධ්‍ය හා සන්නිවේදන භූමිකාව පිළිබදව ද, 12 දා තරුණ නවෝත්පාදනයන් පිළිබඳව තරුණ සංසදය සමඟද සාකච්ඡා කෙරේ. එසේම තිරසාර ශ්‍රී ලංකාවක් නිර්මාණය කිරීම උදෙසා 14 වනදා පරිසර සමුළුව, ශ්‍රී ලංකාවේ පරිසර පද්ධතිය පවත්වා ගැනීම සඳහා ප්‍රතිස්ථාපනය හා පුනර්ජනනීය ක්‍රියා පිළිබඳව සාකච්ඡා කීරීමට නියමිතය. මෙම ActionToImpact සතිය ව්‍යාපාරික ප්‍රජාව සමඟ කෙරෙන සංවාදයෙන් අවසන් වන අතර එහිදී දේශගුණික හදිසි අවස්ථා සඳහා ව්‍යාපාර ප්‍රතිචාරය පිළිබඳව සාකච්ඡා කෙරේ.
එක්සත් ජාතීන්ගේ තිරසාර සංවර්ධන ඉලක්ක පිළිබඳ ක්‍රියාකාරී ව්‍යාපාරයේ ගෝලීය අධ්‍යක්ෂ මරීනා පොන්ටි මහත්මිය “#ActionToImpact වැඩසටහන උපාය මාර්ගික උපදේශන මඟින් වෙනසක් ඇති කළ හැකි ආකාරය පිළිබඳ විශිෂ්ට උදාහරණයකක්” බව මෙහිදී ප්‍රකාශකර සිටියාය.
Road to Rights සංවිධානයේ නිර්මාතෘ අෂාන් පෙරේරා මහතා මෙම වැඩසටහන පිළිබඳව මෙසේ පැවසීය, “#ActionToImpact ජාතික මුලපිරීම මඟින් ශ්‍රී ලංකාව තිරසාර ජාතියක් බවට පත් කිරීම සඳහා මිනිසුන් එකතු කර ගන්නා වේදිකාවක් වන බැවින් නව අදහස් හා තරුණයින්ගේ ධනාත්මක ශක්තිය ඇත්තෙන්ම බලපෑමක් කළ හැකිවනු ඇතැයි මම තරයේ විශ්වාස කරනවා.”
#ActionToImpact යනු දේශගුණික විපර්යාස සහ ස්වාභාවික විපත් පිළිබඳව අවධානය යොමු කරමින් ශ්‍රී ලංකාවේ විවිධ ප්‍රජාවන් මුහුණ දෙන ගැටලු විසඳීම සඳහා කාලෝචිත පියවරයන් ගෙන දෙන වසර 9 ක දිගු ගමනක් සහිත වැඩසටහනකි. විවිධ ප්‍රජා එකමුතු, සාකච්ඡා, සම්මන්ත්‍රණ සහ සමාජ මාධ්‍ය හරහා SDG පිළිබඳ දැනුවත් කිරීම #ActionToImpact වැඩසටහනේ ප්‍රධාන අරමුණු අතර වේ. ප්‍රාදේශීය හා දිස්ත්‍රික් මට්ටමේ ආයතන සමඟ එම ප්‍රදේශවල නිශ්චිත ගැටලු හඳුනා ගැනීමට සහ අදාළ බලධාරීන්ගේ සහයෝගය ඇතිව එම ගැටලු විසඳීමට මැදිහත් වීමට ද සංවිධායකයින් කටයුතු කරනු ඇත. විවිධ ක්ෂේත්‍ර වල පිළිගැනීමක් ඇති පුද්ගලයින් #ActionToImpact වැඩසටහන පිළිබඳව සිය ප්‍රශංසාව ලබා දීම වැඩසටහන තව දුරටත් වර්ධනය කිරීම සඳහා විශාල ශක්තියක් වීඇති අතර වැඩසටහන නරඹන්නන් වෙත ලඟා කරවීමට විශාල රුකුලක් වී තිබේ. SDG පිළිබඳ පර්යේෂණාත්මක දත්ත හිඟය ඉලක්ක කර ගනිමින් වැඩසටහන් සංවිධායකයින් 2022 දී තිරසාර සංවර්ධනය පිළිබඳ ජාතික පර්යේෂණ සම්මන්ත්‍රණයක් පැවැත්වීමට සැලසුම් කර තිබේ. SDG ප්‍රවර්ධනය කිරීම සඳහා තරුණයින්ගේ ක්‍රියාකාරී දායකත්වය මෙම ව්‍යාපාරය මඟින් හඳුනාගෙන ඇති අතර එය සාක්ෂාත් කර ගැනීම සඳහා තරුණ සහභාගීත්වය සක්‍රීය කරන G17 විශ්ව විද්‍යාල තානාපතිවරුන්ගේ සංගමය ආරම්භ කිරීමට සංවිධායකයින් සැලසුම් කර ඇත. #KIDS4SDGS ජාතික වේදිකාව මගින් අනාගතයේදී තිරසාරභාවය සඳහා වූ මුලපිරීම් වැළඳ ගැනීමට ළමයින් බලමුලු ගැන්වීම සහ ඊළඟ පරම්පරාව සන්නද්ධ කෙරෙනු ඇත.
www.srilanka2030.lk හරහා ලියාපදිංචි වී මෙම තිරසාර සංවර්ධන ඉලක්ක සාක්ෂාත් කරගැනීම පිළිබඳ සංවාදයේ කොටස් කරුවෙකු වීමට Road to Rights සංවිධානය ආරාධනා කරයි.
