ආසියාවේ විශාලතම ‘හස්ති හමුව’ පිළිබඳ දැනුවත් කිරීම උදෙසා Cinnamon Hotels & Resorts විසින් ‘The Gathering of Giants’ සංවිධානය කරයි
![](https://morning.lk/wp-content/uploads/2024/06/rsz_image-2.jpg)
ආසියානු අලි ඇතුන්ගේ ලොව විශාලතම ස්වභාවික එකතුව නොහොත් ‘මහා හස්ති හමුව’ පිළිබඳ දැනුවත් කිරීම සහ සංරක්ෂණය අරමුණු කරගත් වැඩසටහනක් වන ‘The Gathering of Giants’ වැඩසටහන සිනමන් හොටේල්ස් ඇන්ඩ් රිසොර්ට්ස් (Cinnamon Hotels & Resorts) විසින් 2024 අගෝස්තු 9 වැනිදා සිට 11 වැනිදා දක්වා, සිනමන් හබරණ පරිශ්රයේදී (Cinnamon Habarana Complex) පැවැත්වීමට නියමිතය.
සෑම වර්ෂයකම නියං සමයේ මින්නේරිය ජාතික වනෝද්යානයේදී මෙම සුවිශේෂී ස්වභාවික හමුව සිදුවන අතර මෙය එක් ස්ථානයකට ආසියානු අලි ඇතුන් විශාල ප්රමාණයක් ඒකරාශී වන ලොව පිළිගත් ආශ්චර්යමත් ස්වභාවික සිදුවීමක් ලෙස හැදින්වේ. මෙහිදී හස්තීන් 300කට අධික සංඛ්යාවක් මින්නේරිය වැවෙන් පෝෂණය වේ.
සිනමන් හොටේල්ස් ඇන්ඩ් රිසොර්ට්ස් (Cinnamon Hotels & Resorts), සිනමන් නේච(ර්) ට්රේල්ස් (Cinnamon Nature Trails) සහ සෙලාන් බැංකුව (Seylan Bank) එක්ව මෙවර සංවිධානය කරනු ලබන ‘The Gathering of Giants’ වැඩසටහනේ අරමුණ වන්නේ ඵලදායී ලෙස අලි මිනිස් ගැටුම් කළමනාකරණය කිරීමේ සහ සහජීවනයේ අවශ්යතාවය අවධාරණය කරමින් මෙම සොබාදහමේ සුවිශේෂී අවස්ථාව සැමරීම සහ සංරක්ෂණය කිරීම වේ. මින්නේරිය ජාතික වනෝද්යානයට ආසන්නව පිහිටා ඇති සිනමන් ලොජ් හබරණ (Cinnamon Lodge Habarana) සහ හබරණ විලේජ් බයි සිනමන් (Habarana Village by Cinnamon), සංචාරකයන්ට පහසුවෙන් මෙම විශේෂ සිදුවීම නැරඹීම සඳහා අසමසම අවස්ථාවක් ලබාදෙයි.
මෙම වැඩසටහනේ වැදගත්කම පිළිබඳව අවධාරණය කරමින් සිනමන් හොටේල්ස් ඇන්ඩ් රිසොර්ට්ස් (Cinnamon Hotels & Resorts) හි නියෝජ්ය ප්රධාන විධායක නිලධාරී සහ ප්රධාන මෙහෙයුම් නිලධාරී හිෂාන් සිංහවංශ මහතා මෙසේ සඳහන් කළේය. ” සංරක්ෂණය සහ තිරසාරභාවය සඳහා අපගේ කැපවීම මෙම ‘The Gathering of Giants’ වැඩසටහන මඟින් මැනවින් සංකේතවත් කරනවා. ධනාත්මක වෙනසක් ඇති කිරීම සඳහා අධ්යාපනයේ සහ දැනුවත්භාවයේ තිබෙන බලපෑම සහ වටිනාකම පිළිබඳ අප ආයතනය තරයේ විශ්වාස කරනවා. සිනමන් නේච(ර්) ට්රේල්ස් (Cinnamon Nature Trails) සමඟ එක්ව, ශ්රී ලංකාවේ අලි – මිනිස් සහජීවනයේ වැදගත්කම ප්රවර්ධනය කරමින්, සංරක්ෂණ ප්රයත්නයන් ජය ගැනීමට අපි උත්සාහ කරනවා.”
ජූලි මස සිට ඔක්තෝබර් මස දක්වා පවතින නියං සමයත් සමඟ මෙම වාර්ෂික හස්ති හමුව පැවැත්වෙන අතර අවට ප්රදේශවල ජීවත්වන කුඩා අලි රංචු මින්නේරිය සහ කවුඩුල්ල ජාතික වනෝද්යානවලට පැමිණෙති. අවශ්ය ආහාර සහ ජලය අනෙකුත් ප්රදේශවල හිඟවීම නිසා අලි ඇතුන් මෙම ස්ථානය ආශ්රිතව ගැවසෙන අතර අලි ඇතුන් රංචු ගැසී ස්නානය කිරීම, ජලය පානය කිරීම, මෙන්ම සිය සහකරු හෝ සහකාරිය සොයා ගැනීම ආදී විවිධ කටයුතු මෙහිදී සිදුවන අතර එය සංචාරකයන්ට චමත්කාරජනක දසුනක් වනු ඇත.මෙය ගෝලීය වශයෙන් හයවන විශාලතම සත්ව එකතුව ලෙස Lonely Planet විසින් නම් කර ඇති අතර BBC සහ CNN විසින් මෙය සංචාරකයන්ට ලැබෙන අමතක නොවන අසමසම අත්දැකීමක් ලෙස ඇගයීමට ලක් කර තිබේ.
ශ්රී ලංකා රිසොර්ට්ස් (Sri Lanka Resorts) හී ප්රදේශ උප සභාපති සහ සිනමන් බෙන්තොට බීච් (Cinnamon Bentota Beach) හී සාමාන්යාධිකාරී වන යොහාන් අස්කාන් (Johan Aschan) මහතා මෙසේ ප්රකාශ කළේය.”The Gathering of Giants මඟින් තිරසාර සංචාරක ව්යාපාරයේ ප්රධාන නිවාඩු නිකේතනයක් වන Cinnamon Habarana Complex හි ආකර්ෂණීය බව තවදුරටත් ඉහළ නංවනවා. මෙමඟින් අපි ලබාදෙන අද්විතීය වනජීවී අත්දැකීම මෙන්ම එම අත්දැකීම අනාගත පරම්පරාව වෙනුවෙන් සංරක්ෂණය කිරීම සඳහා අප දක්වන කැපවීම ද ඉස්මතු වෙනවා”
‘The Gathering of Giants’ වැඩසටහන සඳහා දේශීය මෙන්ම ජාත්යන්තර මට්ටමේ ආරාධිත දේශකයන් රැසක් සහභාගි වන අතර, ඉන්දියාවේ කීර්තිමත් වනජීවී සංරක්ෂණවේදියෙකු මෙන්ම ලේඛකයෙකු වන වැල්මික් තාපාර්
(Valmik Thapar) මහතා, මෙහි ප්රධාන ආරාධිත දේශකයා ලෙස සහභාගී වේ. ජාතික වනජීවී මණ්ඩලය සහ අග්රාමාත්ය ව්යාඝ්ර කාර්ය සාධක බලකාය (National Board of Wildlife and the Prime Minister’s Tiger Task Force) ඇතුළු රජයේ කමිටු කිහිපයක සේවය කළ ඔහු වනජීවී සහ ව්යාඝ්ර සංරක්ෂණය වෙනුවෙන් වසර 48කට වැඩි කාලයක් කැපවී ඇති අතර ග්රන්ථ 39ක් පමණ රචනා කරන ලද ක්ෂේත්රයේ ප්රවිණයෙකි. ඊට අමතරව, සංරක්ෂණ හා පර්යේෂණ මධ්යස්ථානයේ සභාපති, භාරකරු සහ විද්යාඥයෙකු වන ආචාර්ය ප්රිතිවිරාජ් ප්රනාන්දු මහතා , හස්තීන් පිළිබඳ විශේෂඥ සහ සංරක්ෂක ආචාර්ය සුමිත් පිලපිටිය මහතා සහ ස්වාභාවික විද්යාඥයින් සඳහා වූ නොබෙල් ත්යාගයට සමාන ඇගයීමක් වන ලිනේන් පදක්කම දිනාගත් ශ්රී ලංකාවේ ජෛව විවිධත්ව විද්යාඥ, ආචාර්ය රොහාන් පෙතියාගොඩ මහතා වැනි ප්රවිණයන් රැසක් මේ අවස්ථාව සඳහා සහභාගි වීමට නියමිතය.
උපායමාර්ගික සහ අධ්යාපනික ප්රවේශයන් ඔස්සේ ‘හස්ති හමුව’ පිළිබඳ මෙම ආශ්චර්යමත් ස්වභාවික සංසිද්ධිය අනාගත පරපුර වෙත ද සුරක්ෂිතව පිරිනැමීම සහතික කිරීම සහ එය උත්කර්ෂවත් ලෙස සැමරීම සිනමන් හොටේල්ස් ඇන්ඩ් රිසොර්ට්ස් (Cinnamon Hotels & Resorts ) හි ප්රධාන පරමාර්ථය වේ.
‘The Gathering of Giants’ යනු තවත් එක් වැඩසටහනක් පමණක් නොව, එය ස්වභාවධර්මයේ සුන්දරත්වය සහ එය සුරැකීමේ වැදගත්කම පිළිබඳ දැනුවත් කිරීමේ අඛණ්ඩ මෙහෙවරකි. සිනමන් හොටේල්ස් ඇන්ඩ් රිසොර්ට්ස් (Cinnamon Hotels & Resorts) සහ සිනමන් හබරණ පරිශ්රය (Cinnamon Habarana Complex) විසින් මෙම වැඩසටහන ඔස්සේ, තිරසාර සංචාරක ව්යාපාරය ප්රවර්ධනය කිරීමට සහ ශ්රී ලංකාවේ අද්විතීය වනජීවී උරුමය පිළිබඳ ගෝලීය පිළිගැනීම ඉහළ නැංවීමට ද කටයුතු කරනු ඇත.
වැඩි විස්තර සඳහා:
Cinnamon Hotels & Resorts
ෂෙරංගා රාජසුරිය
ආයතනික සන්නිවේදන අධ්යක්ෂ