ශ්‍රී ලංකාවේ ප්‍රමුඛ පෙලේ සමාගමක් වන ඩීමෝ විසින් සිය විවිධාංගීකරණය වූ ව්‍යාපාර අංශයන් තව දුරටත් පුළුල් කරමින්, දේශීය කර්මාන්ත සඳහා අවශ්‍ය වන රසායනික විසඳුම් ඉදිරිපත් කරමින්, ‘DIMO Initium’ නමින් නව ව්‍යාපාර අංශයකට යොමු වී ඇත.
මෙම නව ව්‍යාපාර අංශය ගොඩනැගීම උදෙසා ඩීමෝ විසින් මෙම ක්ෂේත්‍රය තුල ලෝ ප්‍රකට දැවැන්තයින් වන BASF සහ Master Builders Solutions (MBS) හා අත්වැල් බැඳගෙන ඇත. DIMO Initium විසින් ශ්‍රී ලංකාවේ ව්‍යාපාර සහ කර්මාන්ත ක්ෂේත්‍ර සඳහා අවශ්‍ය කරන කාර්ය සාධන පදනම් කරගත් විසඳුම් ඉදිරිපත් කිරීමට සූදානම්ව සිටියි. මෙහි කාර්මික විසඳුම් අංශය විසින් විශේෂයෙන්ම රබර් හා ප්ලාස්ටික්, ගෘහ භාණ්ඩ සහ කල්පවතින භාණ්ඩ, රෙදිපිළි හා රථ වාහන යන කාණ්ඩයන් වෙත මූලික වශයෙන් විසඳුම් ඉදිරිපත් කිරීමට බලාපොරොත්තුවෙන් පසුවන අතර, පෝෂණ විසඳුම් අංශය විසින් සත්ව පෝෂණය, ඖෂධ සහ මානව පෝෂණ යන කාණ්ඩ සඳහා විසඳුම් ඉදිරිපත් කිරීම කෙරෙහි වැඩි අවධානයක් යොමු කරයි. තවද, ඉදිකිරීම් රසායනික අංශය මඟින් Admixtures, Waterproofing & Sealants, භූගත ඉදිකිරීම් ඇතුළුව අළුත්වැඩියා කිරීම් සඳහා විසඳුම් ලබා දේ.
මෙම නවතම ව්‍යාපාර ක්ෂේත්‍රයට අවතීර්ණ වීම පිළිබඳ අදහස් දක්වමින් ඩීමෝ හි සභාපති සහ කළමනාකරණ අධ්‍යක්ෂ රංජිත් පණ්ඩිතගේ මහතා මෙලෙස පවසයි. “ඩීමෝ හි නවතම ව්‍යාපාර අංශය වන DIMO Initium යනු අපගේ ව්‍යාපාර විවිධාංගීකරණය සඳහා වූ අඛණ්ඩ උත්සාහයේ ප්‍රතිඵලයක්. මෙම නව ව්‍යාපාරයට මුලපිරීම දේශීය ව්‍යාපාර රැසක සංවර්ධනය උදෙසා මෙන්ම, නව ව්‍යාපාර රැසක වර්ධනය සඳහා ද ඉදිරියේදී ඉවහල් වනු ඇති බව මාගේ විශ්වාසයි.”
මෙම නවතම ව්‍යාපාර අංශය හරහා සිය පාරිභෝගිකයින්ට පුළුල් හා වැඩිදියුණු කළ විසඳුම් ලබා දීම සඳහා සම්පත් ආයෝඡනය කිරීමට ඩීමෝ කටයුතු කරයි. එමෙන්ම,ඩීමෝ විසින් සපුගස්කන්ද Lindel estate හි DIMO Initium යටතේ ඉදිකිරීම් රසායනික ව්‍යාපාර කටයුතු පසු ගිය දා නිල වශයෙන් ආරම්භ කරන ලදී. ඉදිරියේදී පාරිභෝගිකයින්ගේ වෙනස්වන අවශ්‍යතා මැනවින් හඳුනා ගනිමින්, ඒ සඳහා අවශ්‍ය විසදුම් කඩිනමින් ඉදිරිපත් කිරීමට DIMO Initium කැපවී සිටියි.
ඡායාරූප විස්තරය
1. ඩීමෝ කළමනාකාරීත්වය සමඟින් DIMO Initium සේවක මණ්ඩලය
